ኢሰመኮ በአርሲ ዞን 48 ሰዎች መገደላቸውን አረጋገጠ

የኢትዮጵያ ሰብዓዊ መብቶች ኮሚሽን (ኢሰመኮ) በኦሮሚያ ክልል፣ ደቡብ ምሥራቅ ዞን ሲርካ ወረዳ ቢርቦና ጮሌ ቀበሌ በታጣቂ ቡድን ጥቃት 48 ሰዎች መገደላቸውን አስታውቋል። በጥቃቱ 23 የጸጥታ አካላት፣ 5 ሚሊሻዎች፣ 13 ሰላማዊ ነዋሪዎች እና ተጨማሪ 7 ሰዎች በሌሎች ታጣቂዎች መገደላቸውን ኮሚሽኑ አረጋግጧል። በተጨማሪም 20 ሰዎች የአካል ጉዳት እንደደረሰባቸው፣ 21 ቤቶች እንደተቃጠሉ እና 247 ቤተሰቦች መፈናቀላቸው ተገልጿል። ኮሚሽነሩ ብርሃኑ አዴሎ መንግሥት ለአካባቢው ነዋሪዎች የጸጥታ ጥበቃ እንዲያደርግና የቅድመ ማስጠንቀቂያ ሥርዓቶችን እንዲያጠናክር አሳስበዋል። ከጥቂት ቀናት በፊት የኢትዮጵያ ኦርቶዶክስ ተዋሕዶ ቤተክርስቲያን በአርሲ ሁለት ወረዳዎች 60 ምዕመናን መገደላቸውን ማስታወቋ የሚታወስ ነው።