ኢትዮጵያዊት በረኸት መራኸቢ ብዙሓን ን'ድምፂ ትግራይ' ዝብል ሽም ኣፅዲቃ

ኢትዮጵያዊት በረኸት መራኸቢ ብዙሓን (EMA)፡ ምምሕዳር ግዝያዊ መሪነት ትግራይ ንዝመሓደሩ መራኸቢ ብዙሓን ዝቐረበ ናይ ሽም ለውጢ ሕቶ ኣፅዲቓ። እቲ መራኸቢ ብዙሓን ቅድሚ ሕዚ "ማእዶት ብሮድካስቲንግ ሰርቪስ" ብዝብል ሽም ፍቓድ ረኺቡ ዝነበረ ኮይኑ፡ ሕዚ ግና "ድምፂ ትግራይ ብሮድካስቲንግ ሰርቪስ" ብዝብል ሽም ክልወጥ ብምቕራቡ እታ በረኸት ኣፅዲቓቶ ኣላ። እታ በረኸት እቲ ናይ ሽም ለውጢ ብምቕባል ፍቓድ መራኸቢ ብዙሓን ብሓድሽ ሽም ሂባ ኣላ። እቲ መራኸቢ ቅድሚ ሕዚ "ድምፂ ወያነ" ተባሂሉ ዝፅዋዕ ዝነበረን ፍቓዱ ተሰሪዙ ዝነበረን ኮይኑ፡ ዕለት 19 ጥቅምቲ 2019 ዓ.ም "ማእዶት" ብዝብል ሽም ፍቓድ ከምዝረኸበ ይዝከር።