Abbaan Taayitaa Miidiyaa Itoophiyaa maqaa "Dimtsi Tigray" jedhu raggaasise

Abbaan taayitaa miidiyaa Itoophiyaa buufata raadiyoo fi televizhinii naannoo Tigraayii maqaa isaa akka jijjiiratuuf gaaffii dhiyaateef fudhateera. Miidiyaan kun kanaan dura "Ma'edot Broadcasting Service" jedhamee hayyama argatee kan ture yoo ta'u, amma maqaa isaa gara "Dimtsi Tigray Broadcasting Service" jedhutti jijjiirateera. Abbaan taayitichaa gaaffii jijjiirraa maqaa kanaa fudhachuudhaan hayyama raadiyoo fi televizhinii maqaa haaraa kanaan raggaasiseera. Miidiyaan kun kanaan dura maqaa "Dimtsi Weyane" jedhamuun beekamaa turee fi hayyamni isaa kan haqame yoo ta'u, Sadaasa 8, 2026 (Onkoloolessa 19, 2019 E.C.) maqaa "Ma'edot" jedhuun hojii kan jalqabe ta'uun ni yaadatama.