የኢትዮጵያ መገናኛ ብዙሃን ባለስልጣን "ድምፂ ትግራይ" የሚል ስያሜ አፀደቀ

የኢትዮጵያ መገናኛ ብዙሃን ባለስልጣን በትግራይ ክልል ባለአደራ አስተዳደር የሚተዳደረው የብሮድካስት ጣቢያ ስያሜውን እንዲቀይር ያቀረበውን ጥያቄ ተቀብሏል። ጣቢያው ከዚህ ቀደም "ማእዶት ብሮድካስቲንግ አገልግሎት" በሚል ስም ፈቃድ አግኝቶ የነበረ ቢሆንም፣ አሁን ስያሜውን "ድምፂ ትግራይ ብሮድካስቲንግ አገልግሎት" በማለት ማሻሻያ አድርጎበታል። ባለስልጣኑ ይህንን የስም ለውጥ ጥያቄ በመቀበል የብሮድካስት ፈቃዱን በአዲሱ ስያሜ አጽድቆታል። ይህ ጣቢያ ቀደም ሲል "ድምፀ ወያነ" በሚል ስም ይታወቅ የነበረና የብሮድካስት ፈቃዱ ተሰርዞ የነበረ ቢሆንም፣ ጥቅምት 19 ቀን 2019 ዓ.ም "ማእዶት" በሚል ስም ፈቃዱን እንደገና ማግኘቱ ይታወሳል።