ፌዴራል ፖሊስ ኣብ ልዕሊ ኣባላት ኢህአፓ ናይ 14 መዓልታት ተወሳኺ ናይ ምርመራ ግዜ ሓቲቱ

ፌዴራል ፖሊስ ብሽበራ ክሲ ዝተጠርጠሩ ኣባላት ኢህአፓ ምርመራ ንምዝዛም ተወሳኺ 14 መዓልታት ናይ ምርመራ ግዜ ክወሃቦ ንፌዴራል ላዕለዋይ ቤት ፍርዲ ሓቲቱ። እቶም ተጠርጠርቲ ኣቶ ይስሃቅ ወልዳይ፣ ኣቶ ኣበበ ኣካልን ኣቶ ኣበራ ንጉስን ኮይኖም፣ ኣብ ክልል ደቡብ ኢትዮጵያ ከባቢ ኣርባምንጭ ኣብ ዝተፈጸመ መጥቃዕቲ 17 ሰባት ብምቅታልን ንብረት ብምዕናውን ይጥረጠሩ። ፖሊስ ንምርመራ ንምዝዛም ኤሌክትሮኒክስ መረዳእታታት ምምርማር፣ ናይ ምስክር ቃል ምቕባልን ናይ ባንኪ ምንቅስቃሳት ምክትታልን ከም ዘድሊ ኣፍሊጡ። እቲ ገበን ዝተሓላለኸን ምስ ወጻኢ ሓይልታት ዝተኣሳሰረን ስለዝኾነ ተወሳኺ ግዜ ከም ዘድሊ ፖሊስ ገሊጹ። ቤት ፍርዲ ናይ ፖሊስ ናይ ምርመራ መዝገብ መርሚሩ ውሳነ ንምሃብ ንጽባሕ ቀጠሮ ሂቡ ኣሎ።