ኣብ ጃና ሞራ ወረዳ ሰሜን ጎንደር ብድርቂ ዝተኸሰተ ከቢድ ሰብኣዊ ቅልውላው

ኣብ ዞባ ሰሜን ጎንደር ወረዳ ጃና ሞራ ብዘጋጠመ ድርቂ ከቢድ ሰብኣዊ ቅልውላው ተፈጢሩ። ምድንጋይ ዝናብን ሕጽረትን 18 ቀበሌታት ብምህሳዩ ልዕሊ 96 ሽሕ ሰባት ንጽዑቕ ሕጽረት መግቢን ማይን ተጋሊጾም ኣለዉ። ኣብቲ ከባቢ ዘጋጠመ ጽዑቕ ጸቕጢ ናብራ ሾብዓተ ሰባት ንነብሶም ከጥፍኡ ከምዝገበሮም እሞ ካባታቶም ክልተ ህይወቶም ከምዝሓለፈ ተገሊጹ። ብተወሳኺ ልዕሊ 5 ሽሕ ህጻናት ብዝተፈላለየ ደረጃ ሕጽረት መግቢ ተጋሊጾም ኣለዉ፡ 4 ሽሕ ጥንስትን መጥበውን ኣዴታት እውን ንተመሳሳሊ ጸገም ተጋሊጸን ኣለዋ። ልዕሊ 3 ሽሕ እንስሳ ብሕጽረት መግቢን ማይን ምሟቶም ከምኡውን ሕማም ዓባይ (Anthrax) ምኽሳቱ ነቲ ጸገም ኣጋዲድዎ ኣሎ። ቤት ጽሕፈት ግብርና እቲ ወረዳ ሕጂ ዘሎ ሓገዝ እኹል ከምዘይኮነ ብምግላጽ፡ ቅልጡፍ መግቢ፡ መድሃኒትን ጽሩይ ማይን ንክረክቡ ጻውዒት ኣቕሪቡ ኣሎ።