Dhaabbanni Mallaqa Misoomaa Ameerikaa buufata xiyyaaraa Bishoftuu irratti invastimantii gochuuf karoorfate

Dhaabbanni Mallaqa Misoomaa Ameerikaa (DFC) buufata xiyyaaraa idil-addunyaa Bishoftuu ijaaramaa jiru fi qonnaan bultoota xixiqqoo fi giddugaleessaa naannichatti argaman gargaaruuf invastimantii guddaa ramaduuf karoorfateera. Ministeerri Dhimmi Alaa Ameerikaa akka ibsetti, deeggarsi kun biyyoota lamaan gidduutti carraa hojii uumuu, tajaajila balalii cimsuu fi misooma waloo jajjabeessuuf kan gargaaru dha. Gargaaraan Ministira Dhimmi Alaa Ameerikaa dhimmoota Afrikaaf, Firaank Gaarshiyaa, Itiyoophiyaa keessatti hoji gaggeessaa olaanaa Itiyoophiyaa Erlayinsii Mesfin Tasew wajjin mari’ataniiru. Gargaaraan ministirichaa, Ameerikaan ijaarsa buufata xiyyaaraa Bishoftuutiif teknoolojii fi invastimantii barbaachisu kennuuf akka murteessite mirkaneessaniiru. Ameerikaan pirojektii guddicha kana keessatti hirmaachuuf fedhii qabaachuu ishee kanaan dura beekameera.