ሚኒስትሪ ትምህርቲ ዕለት ምርጫ ትካላትን ዓውዲ ትምህርትን ኣናዊሑ

ሚኒስትሪ ትምህርቲ ኢትዮጵያ፡ እቶም ኣብ 2018 ዓ.ም ፈተና መወዳእታ ትምህርቲ ካልኣይ ብርኪ ወሲዶም ንውጽኢት መእተዊ ላዕለዋይ ትምህርቲ ዘማልኡ ተማሃሮ፡ ግዜ ምርጫ ትካላትን ዓውዲ ትምህርትን ከምዝተናውሐ ኣፍሊጡ። ሚኒስትሪ ከምዝገለጾ፡ እቲ ቅድሚ ሕጂ ተወሲኑ ዝነበረ መወዳእታ ዕለት ምርጫ ክሳብ 5 መስከረም 2019 ዓ.ም ተናዊሑ ኣሎ። እቶም ክሳብ ሕጂ ምርጫኦም ዘየካየዱ ተማሃሮ፡ በዚ ዕድል ተጠቒሞም ክምዝግቡ ይኽእሉ እዮም። ተማሃሮ ምርጫኦም ንምፍጻም ብድረ-ገጽ student.ethernet.edu.et ኣቢሎም ቁጽሪ መለለዪኦም (ፋይዳ) ብምእታው መስርሕ ምምዝጋብ ክዛዝሙ ተላብዮም።