በኮሬ ዞን ሁለት ሰላማዊ ወጣቶች ተገደሉ

በደቡብ ኢትዮጵያ ክልል፣ ኮሬ ዞን ጎርካ ወረዳ ጎልቤ ቀበሌ ሁለት ሰላማዊ ወጣቶች በታጠቁ ኃይሎች መገደላቸው ተሰምቷል። ጥቃቱ የደረሰው ወጣቶቹ በሞተር ሳይክል ወደ ኬሌ ከተማ በመጓዝ ላይ ሳሉ በቦኮሶ አካባቢ ነው። ነዋሪዎችና የኮሬ ዞን ፖሊስ አዛዥ ጥቃቱን ያደረሱት ከምዕራብ ጉጂ የመጡ ታጣቂዎች መሆናቸውን አረጋግጠዋል። የምዕራብ ጉጂ ዞን ሰላምና ፀጥታ መምሪያ ኃላፊ አቶ አየለ ዳምባ፣ አካባቢው በኦነግ ሸኔ እንቅስቃሴ ስር መሆኑን በመጥቀስ፣ በቡድኑ ላይ እርምጃ እየተወሰደ መሆኑን ገልጸዋል። የኮሬ ዞን ባለስልጣናት ለችግሩ ዘላቂ መፍትሄ ባለመኖሩ ብሶታቸውን እየገለጹ ይገኛሉ።