Godina Kooree keessatti dargaggoonni lama ajjeefaman

Godina Kooree, Aanaa Gorkaa, Ganda Golbee keessatti dargaggoonni lama humnoota hidhataniin ajjeefamuu jiraattonni ibsaniiru. Dargaggoonni kunneen iskuuteriin gara magaalaa Keellee deemaa utuu jiranii bakka Bokosoo jedhamutti haleellichi isaan mudate. Jiraattonniifi ajajaan poolisii godina Kooree haleellicha kan raawwatan hidhattoonni godina Gujii Lixaa irraa dhufaniidha. Itti gaafatamaan waajjira nagaafi tasgabbii godina Gujii Lixaa Obbo Ayyalee Dambaa, naannichi sochii 'Shaneen' kan itti gaggeeffamu ta'uu fi tarkaanfiin fudhatamaa jiru ibsaniiru. Bulchiitoonni godina Kooree furmaata yeroo dheeraa dhabamuu rakkoo nageenyaa kanaaf aarii qaban ibsachaa jiru.