ኣብ ዞባ ኮሬ ክልተ ንጹሃን ወጣቶ ተቀቲሎም

ኣብ ክልል ደቡብ ኢትዮጵያ፣ ዞባ ኮሬ ወረዳ ጎርካ ቀበሌ ጎልቤ ክልተ ንጹሃን ወጣቶ ብዕጡቓት ሓይልታት ተቀቲሎም። እቲ መጥቃዕቲ ዝተፈጸመ እቶም ወጣቶ ብሞተር ሳይክል ናብ ከተማ ኬሌ ኣብ ዝነቀሉሉ እዋን ኣብ ከባቢ ቦኮሶ እዩ። ነበርትን ኣዛዚ ፖሊስ ዞባ ኮሬን እቶም መጥቃዕቲ ዝፈጸሙ ካብ ምዕራብ ጉጂ ዝመጹ ዕጡቓት ምዃኖም ኣረጋጊጾም። ሓላፊ መምሪያ ሰላምን ጸጥታን ዞባ ምዕራብ ጉጂ ኣቶ ኣየለ ዳምባ፣ እቲ ከባቢ ንምንቅስቓስ ኦነግ ሸኔ ምቹእ ምዃኑን ኣብ ልዕሊ እቲ ጉጅለ ስጉምቲ ይውሰድ ከምዘሎን ገሊጾም። ኣካላት ዞባ ኮሬ ንጸገም እቲ ከባቢ ዘላቒ መፍትሒ ስለዘይተረኽበ ዘለዎም ቅሬታ ይገልጹ ኣለዉ።