በትግራይ ዩኒቨርሲቲዎች ስለሚማሩና በጊዜያዊነት ስለሚዘዋወሩ ተማሪዎች መግለጫ ተሰጠ

የትምህርት ሚኒስቴር በትግራይ ክልል ባሉ ዩኒቨርሲቲዎች የሚማሩ ተማሪዎችን ጉዳይ በተመለከተ ማብራሪያ ሰጥቷል። ከክልሉ ውጭ ለመዛወር ጥያቄ ላቀረቡ ተማሪዎች በጊዜያዊነት የተመደቡበት ዩኒቨርሲቲ በቅርቡ እንደሚገለጽላቸው ሚኒስቴሩ አስታውቋል። በክልሉ ውስጥ ትምህርታቸውን መቀጠል ለሚፈልጉ ነባርና አዲስ ተማሪዎች ደግሞ ከሚመለከታቸው ዩኒቨርሲቲዎች ጋር እየተመከረ እንደሆነ ተገልጿል።

በጊዜያዊነት ወደ ሌሎች ዩኒቨርሲቲዎች የሚመደቡ ተማሪዎች ሁኔታው ሲስተካከል ወደ ቀድሞ ተቋማቸው እንደሚመለሱ ሚኒስቴሩ አረጋግጧል። ተማሪዎች ውሳኔው እስኪታወቅ ድረስ በትዕግስት እንዲጠባበቁ ተጠይቀዋል።