ሚኒስትሪ ትምህርቲ ኣብ ዩኒቨርሲቲታት ትግራይ ብዛዕባ ዘለዉ ተመሃሮ መግለፂ ሂቡ

ሚኒስትሪ ትምህርቲ ብዛዕባ እቶም ኣብ ዩኒቨርሲቲታት ትግራይ ዘለዉ ተመሃሮ መግለፂ ሂቡ። ብሰንኪ ኣብቲ ዞባ ዘሎ ኩነታት ካብቲ ዞባ ወፃኢ ናብ ካልኦት ዩኒቨርሲቲታት ክትዛወሩ ሓቲቶም ዝነበሩ ተመሃሮ፡ ብግዝያዊነት ዝተመደቡሉ ዩኒቨርሲቲ ኣብ ቀረባ ግዜ ከም ዝፍለጦም ተገሊፁ። ኣብቲ ዞባ ዩኒቨርሲቲታት ትምህርቶም ክቕፅሉ ዝደልዩ ሓደሽትን ኣረጀውትን ተመሃሮ ዝምልከት ከኣ ሚኒስትሪ ምስ ዩኒቨርሲቲታት ክዘራረብ ከም ዘሎ ተሓቢሩ።

ብግዝያዊነት ናብ ካልኦት ዩኒቨርሲቲታት ዝዛወሩ ተመሃሮ፡ እቲ ኩነታት ምስ ተረጋግአ ናብቲ ናይ መጀመርታ ዝነበርዎ ትካላት ከም ዝምለሱ ሚኒስትሪ ኣረጋጊፁ። ተመሃሮ እቲ ውሳነ ክሳብ ዝፍለጥ ብትዕግስቲ ክፅበዩ ተላብዮም።