Obbo Getaachaw Raddaa mootummaa Eertraa garee hidhattootaatti fayyadamee naannicha burjaajessaa jira jedhan

Pirezidaantii bulchiinsa yeroo Tigraay duraanii fi gorsaa muummee ministiraa ammaa Obbo Getaachaw Raddaa, mootummaan Eertraa Gibxii wajjin ta'uun nagaa Baha Afrikaa booressuuf hojjechaa jiraachuu dubbatan. Obbo Getaachaw gaaffii fi deebii "Pulse of Africa" wajjin taasisaniin, Eertraan ofii ishee kallattiin waraana keessa galuu mannaa, Fanoo, ABO Shanee fi ABUT fayyadamuun waraana kakaasuu yaalaa jirti jedhan.

Keessattuu, tumsi ABUT fi mootummaa Eertraa ummata Tigraay fi Amaaraaf balaa akka ta'e kan ibsan gorsichi, mootummaan federaalaa Itoophiyaa hanga ammaatti obsa kan qabu ta'us, ABUT kiyyo Eertraa keessatti kufee humnoota federaalaa irratti yoo haleelle, waraanni bal'aan ka'uu akka danda'u akeekkachiisaniiru. Hawaasni idil-addunyaas qaamolee nagaa booressan kana ittisuuf dhiibbaa Eertraa irratti akka godhu gaafataniiru.