ጌታቸው ረዳ ኣብ ልዕሊ መንግስቲ ኤርትራን ዕጡቕ ጉጅለታትን ክሲ ኣቕሪቦም

ቅድም ክብል ፕሬዚዳንት ግዝያዊ ምምሕዳር ትግራይ ዝነበሩን ሕጂ ድማ በዓል መዚ ቤት ምኽሪ ቀዳማይ ሚኒስተር ዝኾኑ ኣይተ ጌታቸው ረዳ፣ መንግስቲ ኤርትራ ምስ ግብጺ ብምትሕብባር ንሰላም ቀርኒ ኣፍሪቃ ንምዝራግ ይሰርሕ ከምዘሎ ገሊጾም። ኣይተ ጌታቸው ምስ "Pulse of Africa" ኣብ ዘካየድዎ ቃለ መሕትት፣ ኤርትራ ብቐጥታ ኣብ ውግእ ካብ ምእታው ይልቅስ፣ ፋኖ፣ ኦነግ ሸኔን ህወሓትን ከም መሳርሒ ብምጥቃም ግጭታት ንምቅላዕ ትሰርሕ ከምዘላ ተዛሪቦም።

ፍሉይ ትኩረት ሂቦም ዝገለጽዎ ድማ፣ ሕብረት ህወሓትን መንግስቲ ኤርትራን ንህዝቢ ትግራይን ኣምሓራን ሓደገኛ ምዃኑ ብምሕባር፣ መንግስቲ ፈደራል ኢትዮጵያ ክሳብ ሕጂ ትዕግስቲ የርኢ ከምዘሎ፣ እንተኾነ ግና ህወሓት ኣብ መፈንጠራ ኤርትራ ወዲቑ መጥቃዕቲ እንተፈጺሙ ኩነታት ካብ ቁጽጽር ወጻኢ ክኸውንን ሰፊሕ ውግእ ክባራዕን ከምዝኽእል ኣጠንቂቖም። ማሕበረሰብ ዓለም ድማ ነቶም ሰላም ኣፍረስቲ ንምግታእ ኣብ ልዕሊ ኤርትራ ጽኑዕ ጸቕጢ ክገብር ጸዊዖም።