ግንባታ ሆቴልን ሪዞርትን ሃይለ ጎንደር ተዛዚሙ ና ናይ ምጅማር ንጥፈታት ይካየድ ኣሎ

ኣብ ክልል ኣምሓራ ከተማ ጎንደር ዝህነ ዘሎ ሆቴልን ሪዞርትን ሃይለ ናብ መዛዘሚ ከምዝበጽሐ ማኔጂንግ ዳይሬክተር እቲ ግሩፕ ኣቶ ጋዲሳ ግርማ ገሊጾም። እቲ ሆቴል ኣብ ውሽጢ ክልተ ክሳብ ሰለስተ ኣዋርሕ ናብ ስራሕ ከምዝኣቱ ዝተገለጸ ኮይኑ፡ እዚ 12ይ መዕረፊ ናይ ሃይለ ሆቴልን ሪዞርትን ክኸውን እዩ። እቲ ናይ ኣርባዕተ ኮኽቢ ሆቴል 84 መደቀሲ ክፍልታት ዘለዎ ኮይኑ፡ ህንጸቱ ድማ ኣሰር ፋሲለደስ ብዝስዕብ ባህላዊ ስነ-ህንጻ እዩ ተሰሪሑ። ኣቶ ጋዲሳ ዋጋ ናይ ህንጻ ንብረታት ምውሳኽን ካልኦት ማሕለኻታትን እኳ እንተነበሩ፡ እቲ ህንጸት ብዓወት ንምዝዛም ከምዝተኽኣለ ኣረዲኦም። እቲ ሆቴል ምስ ተኸፈተ፡ ኣቐዲሙ ብክራይ ይሰርሕ ዝነበረ ጨንፈር ኣገልግሎቱ ከምዝቕጽል ተገሊጹ።