ኣብ ኣዲስ ኣበባ ንመዓልታት ዝጸንሐ ምቑራጽ ኤሌክትሪክ ንነበርቲ ኣቖጢዑ

ኣብ ከተማ ኣዲስ ኣበባ ኣብ መዕረፊ ሓይሊ ኤሌክትሪክ ኣዲስ ዌስት ዘጋጠመ ጸገም ትራንስፎርመር ኣብ ዝተፈላለዩ ከባቢታት ንመዓልታት ዝጸንሐ ምቑራጽ ኤሌክትሪክ ኣስዒቡ። እቲ ጸገም ኣብ መዓልታዊ ናብራን ስራሕን ዓቢ ጽልዋ እናገበረ ምህላዉ ዝገለጹ ነበርቲ፡ ሓይሊ ኤሌክትሪክ ብቕልጡፍ ብዘይምምላሱ ቅሬታኦም እናገለጹ ይርከቡ። መደብ ምቑራጽ ሓይሊ ኣብ ግብሪ ከም ዘይውዕል እውን ነበርቲ ይነቕፉ።

ኢትዮጵያ ኤሌክትሪክ ሓይሊ እቲ ናይ መጽገኒ ስራሕ ዝተሓላለኸ ብምዃኑ ግዜ ከም ዝወስድ ኣፍሊጡ። ኢትዮጵያ ኤሌክትሪክ ኣገልግሎት ብወገኑ ብምሕታት ይቕሬታ ድሕሪ ምሕታት፡ ምስቲ ትካል ብምውህሃድ ኣገልግሎቱ ናብ ንቡር ንምምላስ ይሰርሕ ከም ዘሎ ኣፍሊጡ። ክሳብ ሕጂ እቲ ጸገም ዘጋጠሞም ከባቢታት እህል በረንዳ፡ ኮልፌ፡ ቤተል፡ ጦር ኃይሎች ከምኡ እውን ካልኦት ከባቢታት ዝሓዘ እዩ።