ጉጅለ ዳንጎቴ ኣብ ናሚቢያ ናይ 2.5 ቢሊዮን ዶላር ናይ ነዳዲ መኽዘንን መስመር ቧንቧን ፕሮጀክት ኣበጊሱ

ጉጅለ ዳንጎቴ ኣብ ናሚቢያ፣ ጥቓ ዋልቪስ ቤይ ዝርከብ ዋጋኡ 2.5 ቢሊዮን ዶላር ዝግመት ናይ ነዳዲ መኽዘንን መስመር ቧንቧን ፕሮጀክት ኣበጊሱ። እዚ ግዙፍ ፕሮጀክት 600 ሚሊዮን ሊትር ናይ ነዳዲ መኽዘን ዓቕሚ ዘለዎ ኮይኑ፡ ንቦትስዋና፡ ዛምቢያ፡ ዚምባብዌ፡ ማላዊን ዲሞክራሲያዊት ሪፐብሊክ ኮንጎን ንምግልጋል ዝዓለመ እዩ። ፕሬዚዳንት ናሚቢያ ናንዲ-ንዳይትዋ፡ እቲ ፕሮጀክት ክሳብ ዝዛዘም ብቐጥታ ኣብ ትሕቲ ቁጽጽር ቤት ጽሕፈቶም ከም ዝኸውን ገሊጸን።

ኣሊኮ ዳንጎቴ እዚ ኢንቨስትመንት እዚ፡ ንመላእ ኣፍሪካ ዘጠቓለለ ናይ ነዳዲ መርበብ ንምፍጣር ዝዓለመ ስትራቴጂያዊ ወፍሪ ምዃኑ ሓቢሮም። ጉጅለ ዳንጎቴ ኣብ መንጎ ጅቡትን ኢትዮጵያን ተመሳሳሊ ናይ ነዳዲ መኽዘንን መስመር ቧንቧን መሰረተ ልማት የጣይሹ ከም ዘለዉ ተገሊጹ። እቲ ፕሮጀክት ኣብቲ ዞባ ዘሎ ዋጋ ነዳዲ ንምቅናስን ኢንዱስትሪያዊ ልምዓት ንምቅልጣፍን ዝዓለመ ኮይኑ፡ ካብቲ ኣብ ላጎስ ዘሎ መጽረዪ ነዳዲ ዝመጽእ ፍርያት ክጥቀም እዩ።