ኣብ ክልል ኣምሓራን ትግራይን ብሰንኪ መጥቃዕቲ ድሮን ሲቪላት ይቕተሉ ከም ዘለዉ ይግለጽ

ኣብ ክልል ኣምሓራን ትግራይን ብመንግስቲ ፈደራል ተፈፂሙ ዝበሃል መጥቃዕቲ ድሮን ኣብ ሲቪላት ጉድኣት የውርድ ከም ዘሎ ህወሓትን ምንቅስቓስ ፋኖ ኣምሓራን ኣፍሊጦም። ትካል ጥዕና ዓለም እውን ኣብ መዕቆቢ ተመዛበልቲ ክልቲኦም ክልላት ብዝተፈጸመ መጥቃዕቲ ህፃናትን ሲቪላትን ከም ዝተቐተሉ ኣረጋጊጹ።

ህወሓት መንግስቲ ፈደራል ንታርጌት ዝገበረ መጥቃዕቲ ብምፍጻም ንሲቪላትን ዕጡቓትን ከይፈለን ንጹሃን ይቐትል ከም ዘሎ ከሲሱ። ፋኖ ኣምሓራ ብወገኑ ኣብ ደቡብ ጎንደርን ደቡብ ወሎን ተፈጺሙ ብዝበሎ መጥቃዕቲ ብዙሓት ከም ዝሞቱ ኣዘራሪቡ። እቲ ፈደራላዊ መንግስትን ሰራዊት ምክልኻልን ኣብዚ ጉዳይ ክሳብ ሕጂ ዝሃቡዎ ምላሽ የለን።