ኣብ ከተማ ወላይታ ሶዶ ብሰንኪ ተግባር ፖሊስ ኣብ ህዝቢ ወጥሪ ተፈጢሩ

ኣብ ማሕበራዊ ሚዲያ ዝተዘርግሐ ቪዲዮ ከምዘርእዮ፡ ኣብ ከተማ ወላይታ ሶዶ ብኣባላት ፖሊስ ኣብ ልዕሊ ሓንቲ ሰበይቲ መሬት ናይ ምስሓብን ምፍርራሕን ተግባር ተፈጺሙ። ነበርቲ እታ ከተማ እቲ ተግባር ተቐባልነት ዘይብሉን ካብ ኣካላት ሕጊ ዘይፅበዩን ምዃኑ ብምግላፅ፡ እቶም ኣባላት ፖሊስ ይቕሬታ ክሓቱ ከምዝግባእ ኣተሓሳሲቦም። ኣዛዚ ፖሊስ ከተማ ወላይታ ሶዶ ኮማንደር ሃብታሙ ኣስፋው፡ እቲ ፍፃመ መዳብዲብ ከምዘይኮነን፡ ጉዳዮም ብምዝርራብ እታ ሰበይቲ ይቕሬታ ሓቲታ ናብ ገዝኣ ከምዝተመልሰት ገሊፆም። ኮማንደር ሃብታሙ ወሲኾም፡ እቲ ቪዲዮ ኣብ ማሕበራዊ ሚዲያ ዝተዘርግሐሉ ዕላማ፡ ምምሕዳር ከተማ ኣብ ልዕሊ ሕገ-ወጥ ንግዲ ዝወሰዶ ስጉምቲ ንምዝንባዕን ጌጋ ሓበሬታ ንምዝርጋሕን ከምዝኾነ ኣፍሊጦም። ኣብቲ ተግባር ዝተሳተፉ ኣባላት ፖሊስ ከከም ኣሰራርሓኦም ተሓተትቲ ከምዝኾኑ ኣረጋጊፆም። ክፍሊ ፍትሒ እታ ከተማ ብወገኑ፡ እቲ ጉዳይ ብኣካል እንተዘይኮይኑ ሓበሬታ ከምዘይህብ ኣፍሊጡ።