አምባሳደር ሬድዋን ሁሴን ብዛይ ማዕቀፍ ሚዲያ ዘርፍ ዘሎ ዘረብቲ ተዛሪቦም

ኣቦ መንበር ቦርድ በዓል መዚ መራኸቢ ብዙሃን ኢትዮጵያ ኣምባሳደር ሬድዋን ሁሴን፤ ኣብቲ ናይ ሚዲያ ዘርፊ ዘለዉ ማሕለኻታት ብፍላይ ድማ ትሑት ፍልጠት ወነንቲ፣ ድኹም ቁፅጽርን ብቕዓት ዘይብሎም ሞያውያንን ከም ዘለዉ ገሊፆም። ኣምባሳደር እዚ ዝገለፁ ኣብ እዋን ምርቓ ማእከል ልዑልነት ሚዲያ ኢትዮጵያ እዩ። ኣብ ዘረብኦም ድማ ሚዲያታት ቅድሚ ቅፅዓት ምውሳዶም ተደጋጋሚ ምኽሪ ከም ዝረኽቡን ገሊኦም ክሳብ 15 ግዘ ከም ዝተመኸሩን ኣገንዚቦም። ብዙሓት ወነንቲ ሚዲያ ብዛዕባ ሚዲያ ፍልጠት ከይብሎም ኢንቨስት ምግባሮምን ዝቖፅርዎ ሰብ ማንነት ከይፈለጡ ምዃኖምን ከም ዓቢ ፀገም ገሊፆምዎ። ብዙሕ ናይ ሚዲያ ጌጋታት ምስ ድኽመት ሞያዊ ፍልጠት ጋዜጠኛታት ከም ዝተኣሳሰረ እውን ኣምባሳደር ወሲኾም ገሊፆም።