ጉባኤ ሩስያን ኣፍሪካን ኣብ ሞስኮ ተዛዚሙ

ሳልሳይ ጉባኤ ሩስያን ኣፍሪካን ኣብ ሞስኮ ንክልተ መዓልታት ተኻይዱ ድሕሪ ምጽናሕ ብሓባራዊ መግለጺ ተዛዚሙ። ካብ 54 ሃገራት ኣፍሪካ 48 ዝተሳተፋሉ ክኸውን ከሎ፡ ካብዚአን እተን 22 ብመራሕተን ዝተወከሉ እየን። እቲ ጉባኤ ኣብ ንግዲ፡ ኢንቨስትመንት፡ ኢነርጂ፡ ሕርሻን ሳይንስን ቴክኖሎጂን ዘተኮረ ነይሩ። ፕረዚደንት ፑቲን ምዕራባውያን ኣብ ልዕሊ ኣፍሪካ ዘለዎም ኣረኣእያ ብምቅዋም፡ ሩስያ ካብ ናይ ቅኝ ግዛታዊ ኣተሓሳስባ ዝረሓቐን ኣብ ሓባራዊ ተጠቃሚነት ዝተሰረተን ርክብ ከም ትደሊ ገሊጾም።

ቀዳማይ ሚኒስትር ዓቢይ ኣሕመድ ኣብቲ ጉባኤ ተረኺቦም፡ ኢትዮጵያ ኣብ ሕርሻ፡ ውሕስነት መግቢን ምዕባለ ኒውክሌር ሓይልን ምስ ሩስያ ብምትሕብባር ንምስራሕ ድልየት ከም ዘለዋ ገሊጾም። ንግዲ ሩስያን ኣፍሪካን ምስ ቻይናን ኤውሮጳን ክወዳደር ከሎ ትሑት ምዃኑ ኣብቲ ጉባኤ ዝተልዓለ ክኸውን ከሎ፡ ነቲ ምትሕብባር ንምዕባይ ስምምዕ ተበጺሑ። እተን ውሳነታት ናብ ግብሪ ንምትርጓም ኣሰራርሓ ከም ዘድሊ ተሰማሚዖም እኳ እንተኾኑ፡ ሩስያ ኣብ ውግእ ስለዘላ ተግባራዊነቱ ግና ኣጠራጣሪ ኮይኑ ኣሎ።