Guragee keessatti rakkoo nageenyaa furuuf yaalii araaraa jalqabame

Godina Guragee naannoo Itoophiyaa giddugaleessatti, jaarmiyaan aadaa "Joka" jedhamu, garee hidhattoota aanaa Abeshgee keessa socho'an gara jireenya nagaatti deebisuuf yaalii araaraa eegaleera. Adeemsi kun kan jalqabame gaaffii bulchiinsa godinaafi komanid posti naannichaa bu'uura godhachuun yoo ta'u, dura ta'aan jaarmiyichaa hidhattoota bosona keessa jiran waliin mari'achuun deebii gaarii argachuu isaanii ibsaniiru. Godinichi erga ajjeechaafi butiinsa namoota hedduu booda ji'oota darban keessa komanid postiidhaan bulchaa tureera. Haa ta'u malee, hogganaan paartii siyaasaa obbo Mahaammad Abraar akka jedhanitti, rakkoon kun garee aanaalee ollaa irraa dhufanidha. Adeemsa nagaa kana milkeessuuf qophiin guyyaa Kibxata magaalaa Wolkiteetti taasifamaa jira.