Mormiin magaalota Faransaay gara garaa keessatti itti fufe

Erga guyyoota muraasaaf dhaabbatee turee booda, mormiin magaalota guguddaa Faransaay keessatti gaggeeffamaa ture har'a itti fufeera. Mormiin kun magaalota akka Paariis, Liyoofi Maarsiyeetti kan gaggeeffame yoo ta'u, miseensonni gamtaa hojjattootaa kumaatamaan lakka'aman mormii kanatti makamaniiru. Akka gabaasa Associated Press, maddoota ministeera dhimma keessaa Faransaay wabeeffachuun, miseensonni gamtaa hojjattootaa kuma 270 ta'an dursanii hiriira kanarratti hirmaataniiru. Hirmaannaan hojjattootaa kun mormii kanaaf boca haaraa kan kenne yoo ta'u, gabaasa bal'aa argachuuf sagalee dhihaate kana dhaggeeffachuu dandeessu.