ኣብ ፈረንሳይ ዝተፈላለዩ ከተማታት ተቃውሞታት ቀፂሎም

ድሕሪ ውሑድ መዓልታት ምቁራጽ፡ ኣብተን ዓበይቲ ከተማታት ፈረንሳይ ዝነበረ ተቃውሞ ሎሚ ዳግም ተጀሚሩ ኣሎ። ኣብ ፓሪስ፡ ሊዮን ከምኡውን ማርሴይ ኣብ ዝተኻየደ ሰልፊ፡ ብኣማኢት ኣሽሓት ዝቁጸሩ ኣባላት ማሕበር ሰራሕተኛታት ተጸንቢሮም ኣለዉ። ከም ጸብጻብ ኣሶሴይትድ ፕረስ፡ ምንጭታት ሚኒስትሪ ውሽጣዊ ጉዳያት ፈረንሳይ ከምዝገለጽዎ፡ ቅድሚ ቀትሪ ጥራይ ኣስታት 270 ሽሕ ኣባላት ማሕበር ሰራሕተኛታት ኣብቲ ሰልፊ ተሳቲፎም ኣለዉ። ተሳትፎ ሰራሕተኛታት ነቲ ተቃውሞ ሓድሽ ገጽታ ከምዝሃቦ ዝተሓበረ ኮይኑ፡ ተወሳኺ ሓበሬታ ንምርካብ ነቲ ተላቢጡ ዘሎ ድምጺ ምስማዕ ይከኣል እዩ።