Naannolee Amaaraa fi Tigraayitti haleellaa dirooniin namoonni nagaa du'aa jiraachuu gabaafame

Naannolee Amaaraa fi Tigraayitti haleellaa dirooniin mootummaa federaalaatiin raawwatame jedhamee shakkamu, lubbuu namoota nagaa galaafachaa jiraachuu Addi Bilisummaa Uummata Tigraay (TPLF) fi sochii Amaaraa Fano ibsaniiru. Dhaabbanni Fayyaa Addunyaas (WHO) buufataaleen baqattootaa naannolee lameenitti argaman irratti haleellaa raawwatameen, daa'imman dabalatee namoonni nagaa du'uu isaanii mirkaneesseera.

TPLF mootummaan federaalaa meeshaa waraanaa gurguddaa fi dirooniin waraanaas ta'e namoota nagaa addaan hin baasne jechuun himateera. Gama biraatiin, Fanoon naannolee Gondar Kibbaa fi Walloo Kibbaatti haleellaa wal-fakkaataa raawwatameen namoonni hedduu du'uu isaanii tarreesseera. Mootummaan federaalaa fi raayyaan ittisa biyyaa hanga ammaatti waan dubbatani hin jiru.