Ambaasaaddar Redwaan Huseen waa'ee rakkoo sektara miidiyaa dubbatan

Pirezidaantiin boordii abbaa taayitaa miidiyaa Itoophiyaa ambaasaaddar Redwaan Huseen, sektara miidiyaa biyyattii keessatti rakkooleen akka abbootii qabeenyaa hubannoo dhabuu, to'annoo laafinaa fi ogummaa gahaa dhabuu akka jiran ibsaniiru. Ambaasaaddarichi kan dubbatan ergaa giddugala ol'aantummaa miidiyaa Itoophiyaa eebbisanirratti. Haasaa isaaniitiin, miidiyaaleen osoo hin adabamin dura gorsa irra deddeebi'amee akka argatan ibsanii, tokko tokko immoo hanga 15 gorsa akka argatan dubbataniiru. Abbootiin qabeenyaa miidiyaa hedduun waa'ee miidiyaa osoo hin beekinii fi hojjettoota isaanii osoo hin qoratin invast gochuun isaanii rakkoo ta'uu himaniiru. Ambaasaaddarichi dabaluunis, dogoggorri miidiyaa hedduun ogummaa gahaa dhabuu gaazexeessitootaatiin akka walqabatu ibsaniiru.