የኢትዮጵያ የቀይ ባህር ተደራሽነት ጥያቄ ተገቢ መሆኑ ተገለጸ

የአፍሪካ ህብረት ተወካይ እና የISS ክልላዊ ዳይሬክተር የሆኑት ሃንዲ፣ ኢትዮጵያ በቀይ ባህር ላይ ያላት የመገኘት ፍላጎት በሰላማዊ መንገድ መሆኑን ጠቅሰው ይህ ጥያቄ ተገቢ መሆኑን ተናገሩ። ኢትዮጵያ በአፍሪካ ቀንድ ሰላም እና ደህንነት ላይ ያላት ሚና ከፍተኛ በመሆኑ፣ ከጎረቤት አገራት ጋር በድርድር መፍትሄ ማግኘት እንደምትችል ገልጸዋል። እንደ እሳቸው ገለጻ፣ የኢትዮጵያ የባህር በር ጥያቄ ስትራቴጂያዊ ግብ ነው፤ ይህንን ግብ በዲፕሎማሲያዊ መንገድ ማሳካት ይቻላል። በተመሳሳይ የናይጄሪያው ፕሮፌሰር ቻርለስ ኡኬጄ፣ ኢትዮጵያ በክልሉ የኢኮኖሚ እድገት እና ሰላም ግንባታ ውስጥ ትልቅ ሚና እየተጫወተች መሆኗን አንስተዋል። ኢትዮጵያ ባለፉት አስር ዓመታት ውስጥ ከፍተኛ ፖለቲካዊ እና ኢኮኖሚያዊ ለውጦችን እያሳየች መሆኗንም ጠቅሰዋል። ፕሮፌሰሩ የባህር በር ጉዳይን በተመለከተ ለሁሉም ወገኖች ተጠቃሚ የሚሆን ውይይት ማድረግ እንደሚያስፈልግ መክረዋል።