Raayyaan Ittisa Biyyaa ajootota waraana TPLF ol'aanoo to'annaa jala oolchuu isaa beeksise

Raayyaan Ittisa Biyyaa Itoophiyaa waraana TPLF irratti tarkaanfii fudhateen ajootota ol'aanoo to'annaa jala oolchuu isaa beeksise. Ajootota TPLF to'atamanii keessaa Koloneel Haylasillaasee (Ajajaa Raayyaa 15ffaa), Letena Koloneel Taasawu Ataakiltii (Ajajaa Loojistikii Raayyaa 15ffaa), Koloneel Atsibaha Walduu fi Letena Koloneel Lu'ul Marqoos (Ajootota Kooree) akka argaman ibsameera. Kana malees, waraanni 42 to'atamuu fi loltoonni 15 madaa'an booji'amuu himameera. Ibsichi humnoonni TPLF diigamaa jiraachuu fi meeshaaleen waraanaa hedduun booji'amuu isaa dabalee ibseera.