የመከላከያ ሰራዊት የህወሓት ከፍተኛ ወታደራዊ አዛዦችን በቁጥጥር ስር ማዋሉን አስታወቀ

የኢትዮጵያ መከላከያ ሠራዊት በህወሓት ላይ ወታደራዊ እርምጃ በመውሰድ ከፍተኛ አመራሮቹን በቁጥጥር ስር ማዋሉን አስታውቋል። የተያዙት የህወሓት ወታደራዊ መሪዎች ኮሎኔል ኃይለስላሴ (የ15ኛ አርሚ አዛዥ)፣ ሌተና ኮሎኔል ጣሰው አታክልቲ (የ15ኛ አርሚ ሎጀስቲክስ ኃላፊ)፣ ኮሎኔል አፅባህ ወልዱ እና ሌተና ኮሎኔል ልዑል መርቆስ (የኮር አዛዦች) እንደሆኑ ተገልጿል። በተጨማሪም 42 ታጣቂዎች በቁጥጥር ስር የዋሉ ሲሆን 15 የቆሰሉ ተዋጊዎች ተማርከዋል። መግለጫው የህወሓት ኃይል እየተበታተነ መሆኑን በመጠቆም በርካታ ወታደራዊ ቁሳቁሶች መማረካቸውን አክሏል።