ሰራዊት ምክልኻል ሰራዊት ህወሓት ዝለዓለ ሓለፍቲ ወተሃደራዊ ትእዛዝ ከምዝማረኸ ኣፍሊጡ

ሰራዊት ምክልኻል ኢትዮጵያ ኣብ ልዕሊ ህወሓት ወተሃደራዊ ስጉምቲ ብምውሳድ ነቶም ላዕለዎት መራሕቲ ወተሃደር ከምዝማረኸ ኣፍሊጡ። ካብቶም ዝተማረኹ መራሕቲ ወተሃደር ህወሓት ኮሎኔል ሃይለስላሰ (ኣዛዚ 15ይ ሰራዊት)፣ ሌተና ኮሎኔል ጣሰው ኣታኽልቲ (ሓላፊ ሎጂስቲክስ 15ይ ሰራዊት)፣ ከምኡውን ኮሎኔል ኣጽባህ ወልዱን ሌተና ኮሎኔል ልዑል መርቆስን (ኣዛዚ ኮር) ከምዝርከቡዎም ተገሊጹ። ብተወሳኺ 42 ዕጡቓት ብምቁጽጻር 15 ዝቖሰሉ ተዋጋእቲ ከምዝተማረኹ ተገሊጹ። እቲ መግለጺ ሓይሊ ህወሓት ይበታተን ከምዘሎ ብምሕባር ብዙሓት ወተሃደራዊ ኣቕሑት ከምዝተማረኹ ወሲኹ ኣፍሊጡ።