ግንባታ ፕሮጀክት መመንጨቲ ሓይሊ ኤሌክትሪክ ኮይሻ 77 ሚኢታዊ በጺሑ

ኣብ ተፋሰስ ኦሞ ዝህንጸ ዘሎ ፕሮጀክት መመንጨቲ ሓይሊ ኤሌክትሪክ ኮይሻ 77 ሚኢታዊ በጺሑ ከም ዘሎ ኮርፖሬሽን ኤሌክትሪክ ኢትዮጵያ ኣፍሊጡ። እቲ ፕሮጀክት ምስ ተዛዘመ 1,800 ሜጋ ዋት ናይ ምመንጨት ዓቕሚ ክህልዎ እዩ። እቲ ደገ 201.5 ሜትሮ ቁመት ዘለዎ ኮይኑ 6.5 ቢልዮን ኩቢክ ሜትሮ ማይ ናይ ምሓዝ ዓቕሚ ክህልዎ እዩ።

ዋና ኣካያዲ ስራሕ ኮርፖሬሽን ኤሌክትሪክ ኢትዮጵያ ኢንጂነር ኣሸብር ባልቻ ከም ዝገለጽዎ፣ ስራሕ ኮንክሪት ኣብ ሰነ 2027 ክዛዘም እዩ። እቲ ቀዳማይ ተርባይን ኣብ ጥቅምቲ 2028 ስራሕ ክጅምር ኮይኑ፣ ብምሉኡ ብ2029 ናብ ስራሕ ክኣቱ እዩ። ንምዝዛም እቲ ፕሮጀክት ዘድሊ 500 ሚልዮን ዩሮ ንምርካብ ምስ መንግስቲ ጣልያንን ባንክታትን ልዝብ ይግበር ኣሎ።