ተመሃሮ ዩኒቨርስቲ ትግራይ ዝነበሩ ናብ ካልኦት ትካላት ንምስግጋር ብኦንላይን ክምዝገቡ ተገይሩ

ኣብ ዩኒቨርስቲ ትግራይ ይምሃሩ ዝነበሩ ተምሃሮ ናብ ካልኦት ትካላት ላዕለዋይ ትምህርቲ ንምስግጋር ዝግበር ምዝገባ ብኣካል ክመጹ ከይተገደዱ ብኦንላይን ክካየድ ሚኒስቴር ትምህርቲ ወሲኑ። እዚ ውሳነ ዝተሓለፈ፣ ተምሃሮ ብኣካል ንምምዝጋብ ናብ ኣዲስ ኣበባ ብምምጽኦም ዝተፈጥረ ጽቕጥን ብዙሓት ተምሃሮ ንምጉዓዝ ዓቕሚ ዘይምህላዎምን ተራእዩ እዩ። ሚኒስትር ትምህርቲ ፕሮፌሰር ብርሃኑ ነጋን ሚኒስትር ዲኤታ ፕሮፌሰር ክንደያ ገብረህይወትን ምስ ተምሃሮ ብኣካል ተራኺቦም ነቲ ሓበሬታ ኣረጋጊጾም።

ክሳብ ዝሓለፈ ሓሙስ ልዕሊ 2,808 ተምሃሮ ዝተመዝገቡ እንትኾኑ፣ ሰኑይ ጥራይ 1,500 ተምሃሮ ብኣካል ተረኺቦም ነይሮም። መላግቦ ምዝገባ ኦንላይን ኣብ ወግዓዊ መድረኽ ሓበሬታ ሚኒስቴር ትምህርቲ ከምዝግለጽ ተገሊጹ። ፕሮፌሰር ክንደያ ከምዝበልዎ፣ ዩኒቨርስቲታት ትምህርቲ ንምጅማር እናተዳለዉ ስለዝኾኑ፣ መስርሕ ምድብ ስግግር ኣብ ቀረባ ግዜ ክዛዘም እዩ።