ምምሕዳር ከተማ ኣዲስ ኣበባ ነቶም ፈጸምቲ ኣካላት ከተማ ከም ዘዐረየ ኣፍሊጡ

ምምሕዳር ከተማ ኣዲስ ኣበባ ነቲ ንስልጣንን ተግባርን ፈጸምቲ ኣካላት ከተማ ዝውስን ኣዋጅ ከም ዘዐረየ ኣፍሊጡ። ብመሰረት እዚ መዐረይቲ፡ ትካል መመሓደሪ ትራፊክ ከተማ ተበቲኑ ስልጣኑ ናብ ቢሮ ትራንስፖርት፡ ኣካል መገዲን ንሓድሽ ዝተጣየሰ ማእከል መመሓደሪ ትራንስፖርትን ተኸፋፊሉ። ብተወሳኺ፡ ቢሮ ስራሕን ክእለትን ንኽልተ ተኸፊሉ፡ ቢሮ ሰራሕተኛን ዕድል ስራሕን ከምኡ’ውን ቢሮ ስልጠና ቴክኒክን ሞያን ተጣይሱ። ቢሮ ባህልን ስነ-ጥበብን ምስ ኮሚሽን ቱሪዝም ተዋሂዱ ቢሮ ባህልን ቱሪዝምን ኮይኑ ተወዲቡ ኣሎ። ከምኡ’ውን ኤጀንሲ መግቢ፡ ኣካዳሚ ኣመራርሓ ኣዲስ ኣበባን ካልኦት ትካላትን ተበቲኖም ስልጣኖም ናብ ካልኦት ኣካላት ተሰጋጊሩ። እዚ ለውጢ ዝተገበረሉ ቀንዲ ምኽንያት፡ ነቲ ፋሕ ኢሉ ዝነበረ ናይ ኣሰራርሓ ስልጣን ማእከላይ ንምግባርን ጸገማት ሰናይ ምምሕዳር ንምፍታሕን ምዃኑ ተገሊጹ።