የአይኤምኤፍ ለኢትዮጵያ የአየር ንብረት የገንዘብ ድጋፍ አማራጭ አቀረበ

የዓለም የገንዘብ ድርጅት (አይኤምኤፍ) የኢትዮጵያ መንግስት በአየር ንብረት ለውጥ ምክንያት ለሚያጋጥሙ ተደጋጋሚ ችግሮች ምላሽ ለመስጠት፣ የሀገር ውስጥ ፋይናንስን በማይጫን መልኩ የገንዘብ ድጋፍ እንዲያገኝ አማራጭ አቅርቧል። ድርጅቱ 'Resilience & Sustainability Facility' (RSF) የተሰኘውን የብድር አገልግሎት መጠቀም እንደሚገባ ያሳሰበ ሲሆን፣ ይህም ለአየር ንብረት ተጋላጭ ለሆኑ ዝቅተኛ ገቢ ላላቸው ሀገራት የተዘጋጀ ነው። የዚህ ብድር የክፍያ ጊዜ 20 ዓመት ሲሆን፣ የ10.5 ዓመት የችሮታ ጊዜም አለው። አይኤምኤፍ ይህ ዘዴ ከልማት ባንኮች እና ከግል ባለሀብቶች ተጨማሪ ድጋፍን ለመሳብ እንደሚረዳ ያምናል፡፡ ድርጅቱ አላማው በድርቅ ወይም በጎርፍ ወቅት ድንገተኛ ወጪዎችን ከመመደብ ይልቅ፣ እነዚህን ተደጋጋሚ አደጋዎች መቋቋም የሚችል ዘላቂ ተቋማዊ ስርዓት መገንባት እንደሆነ ገልጿል።