በምዕራብ ኦሮሚያ በታጣቂዎች ጥቃት የሲቪል ህይወት አለፈ

በኦሮሚያ ክልል ምዕራብ ኦሮሚያ ዞን ኪረሙ ወረዳ ጉዲና ጅሬኛ ቀበሌ እና አቤዶንጎሮ ወረዳ ታጣቂዎች ባደረሱት ጥቃት ቁጥራቸው በውል ያልታወቀ ሲቪሎች መገደላቸውንና የንብረት ውድመት መድረሱን ነዋሪዎች ገለጹ። በኪረሙ ወረዳ ብቻ እስካሁን ስድስት አስከሬኖች የተገኙ ሲሆን፣ የጸጥታ ኃይሎች በቦታው ባለመኖራቸው ትክክለኛ የሟቾች ቁጥር ማወቅ አስቸጋሪ ሆኗል። የአካባቢው ነዋሪዎች እንደገለጹት፣ ቤቶችና ወፍጮ ቤቶች በእሳት ተቃጥለዋል፣ ብዙዎችም ለደህንነታቸው በመስጋት ከቤት ንብረታቸው ተፈናቅለዋል። በተመሳሳይ በአቤዶንጎሮ ወረዳ በታጣቂዎችና በጸጥታ ኃይሎች በሚካሄደው ግጭት የሰላማዊ ሰዎች ህይወት መጥፋቱ ተነግሯል። ነዋሪዎች የሰላም እጦቱ ማህበረሰቡን ለከፍተኛ ስጋት እንደዳረገው በመግለጽ መንግስት ችግሩን ለመፍታት ጣልቃ እንዲገባ ጠይቀዋል።