አምባሳደር ሬድዋን ሁሴን ስለሚዲያ ዘርፍ ተግዳሮቶች ተናገሩ

የኢትዮጵያ መገናኛ ብዙሃን ባለሥልጣን የቦርድ ሰብሳቢ አምባሳደር ሬድዋን ሁሴን፤ በኢትዮጵያ በሚዲያ ዘርፍ የሚስተዋሉ የባለቤቶች እውቀት ማነስ፣ የቁጥጥር ክፍተት እና የባለሙያዎች ብቃት ማነስ አሳሳቢ እንደሆነ ገለጹ። አምባሳደሩ ይህንን የተናገሩት የኢትዮጵያ ሚዲያ የልህቀት ማእከልን በመረቁበት ወቅት ነው። በንግግራቸውም፣ ሚዲያዎች ከመታቀባቸው በፊት ተደጋጋሚ ምክር እንደሚያገኙ እና አንዳንዶቹ እስከ 15 ጊዜ ድረስ እንደተመከሩ አስታውሰዋል። የብዙ ሚዲያ ባለቤቶች ስለሚዲያ እውቀት ሳይኖራቸው ኢንቨስት ማድረጋቸው እና የቀጠሩትን ሰው ማንነት አለማወቃቸው ችግር መሆኑን ጠቁመዋል። አብዛኛው የሚዲያ ስህተት ከባለሙያዎች እውቀት ማነስ ጋር የተያያዘ መሆኑንም አምባሳደሩ አክለው ገልጸዋል።