መከላከያ በመቐለ ከተማ አዳዲስ የጸጥታ መመሪያዎችን አወጣ

የሀገር መከላከያ ሰራዊት በመቐለ ከተማ የጸጥታ ሁኔታን ለማጠናከር እና የወንጀል ድርጊቶችን ለመግታት አዳዲስ የጸጥታ መመሪያዎችን ማውጣቱን አስታውቋል። መመሪያዎቹ ከጥቅምት 27 ቀን 2019 ዓ.ም ጀምሮ ተግባራዊ ይሆናሉ። አዲሶቹ ደንቦች ማንኛውም ተሽከርካሪ ከምሽቱ 2፡00 እስከ ጧቱ 12፡00 ሰዓት ድረስ እንዳይንቀሳቀስ፣ ተሽከርካሪዎች ህጋዊ ሰሌዳ እንዲኖራቸው እና ያልተፈቀዱ ስቲከሮች እንዳይለጥፉ ይከለክላል።

በተጨማሪም ህጋዊ ፍተሻ ከጧቱ 12፡00 እስከ ምሽቱ 12፡00 ብቻ እንዲከናወን ተወስኗል። ፍቃድ የሌላቸው የጦር መሳሪያዎች በሶስት ቀናት ውስጥ ለፖሊስ ኮሚሽን እንዲሰጡ ትዕዛዝ የተሰጠ ሲሆን፣ ነዋሪዎች አጠራጣሪ እንቅስቃሴዎችን በስልክ ቁጥር 0900081225 በመደወል ለጸጥታ አካላት እንዲያሳውቁ ተጠይቀዋል።