ኣብ ሀገረ ስብከት አርሲ ኣብ ልዕሊ ሰላማውያን ሰባት መጥቃዕቲ ይፍጸም ከምዘሎ ተገሊጹ

ቢሮ ሀገረ ስብከት አርሲ ኣብቲ ትሕቲ ምምሕዳሩ ዝርከቡ ወረዳታት ኣብ ልዕሊ ሰላማውያን ሰባትን ክርስቲያናትን ተደጋጋሚ መጥቃዕቲ ይፍጸም ከምዘሎ ኣፍሊጡ። ቅድሚ ሕጂ ኣብ ወረዳ ማርቲን ሽርካን ካብ ዝተፈጸመ መጥቃዕቲ ብተወሳኺ፣ ኣብ ቀረባ እዋን ኣብ ወረዳ ሮቤ እንዳቶ ቀበሌ ብዕጡቓት ተኸፊቱ ብዝነበረ ተኹሲ ሰባት ህይወቶም ከምዝሰኣኑ ተገሊጹ። ሊቀ ጳጳስ አርሲን ጅግጅጋን ብፁዕ አቡነ ኤልሳዕ፡ እቲ ጸገም ጸጥታ እናጋደደ ብምኻዱ ዝተሰምዖም ሓዘን ገሊጾም፡ መንግስቲ ንህዝቢ ጸጥታ ክሕልወን ቀዋሚ መፍትሒ ክህበን ጻውዒት ኣቕሪቦም። ዋና ስራ ኣካያዲ እቲ ሀገረ ስብከት በኩረ ትጉሃን በለጠ ሃይለማርያም እውን፡ እቲ ጸገም ብቁርጽነት እንተዘይተፈቲሑ ተወሳኺ ጉድኣት ክስዕብ ከምዝኽእል ኣጠንቂቖም።