ኢትዮጵያ ኤሌክትሪክ ኃይል ልዕሊ 7 ቢሊዮን ብር ናይ ካሕሳ ሕቶ ከም ዘለዎ ኣፍሊጡ

ዋና ኣካያዲ ስራሕ ኢትዮጵያ ኤሌክትሪክ ኃይል መሃንዲስ ኣሸብር ባልቻ፣ እቲ ትካል ልዕሊ 7 ቢሊዮን ብር ዝግመት ናይ ካሕሳ ሕቶ ኣብ ሕጋዊ ክርክር ከም ዘለዎ ኣፍሊጦም። ንግንባታ ፕሮጀክታት ንምቅልጣፍ ኣብ ዝግበር ጻዕሪ ጉዳይ ካሕሳ ዓቢይ ጸገም ከም ዝኾነ ገሊጾም። ብተወሳኺ ገለ ኣካላት ዝህብዎ ሓሶት መረዳእታን ደብዳቤታት ደገፍን እቲ ትካል ንዘይግቡእ ካሕሳ ከም ዘቃልዕ ኣመልኪቶም።

እቲ ዋና ኣካያዲ ስራሕ፣ እቲ ሓድሽ ኣዋጅ ካሕሳ ናይ ኣፈጻጸም መምርሒ ስለ ዘይብሉ ኣብ ተግባር ከውዕልዎ ከም ዘይከኣሉ ገሊጾም። እዚ ድማ ንፕሮጀክታት መመሓላለፊን መከፋፈሊን ኃይሊ ኤሌክትሪክ ምኽንያት ከም ዝኾነ ኣረዲኦም። እቲ ሓድሽ ኣዋጅ ኣብ ተግባር ዘይምውዓሉን ናይ ክልላት መምርሒ ኣፈጻጸም ዘይምህላውን እቲ ትካል ንተደጋጋሚ ካሕሳ ከም ዝዳረጎ ኣፍሊጦም።