በምስራቅ ወለጋ በተፈጸመ ጥቃት ከ20 በላይ ሰዎች ተገደሉ

በምስራቅ ወለጋ ዞን በሚገኙት ኪራሙ እና አቤ ዶንጎሮ ወረዳዎች በታጣቂዎች በተፈጸመ ጥቃት በሁለት ቀናት ውስጥ ከ20 በላይ ንጹሃን ዜጎች ተገድለዋል። ጥቅምት 24 ቀን በአቤ ዶንጎሮ ወረዳ ጪሩ፣ ጋሌሳና ጋሬኦር ቀበሌዎች በተፈጸመ ጥቃት 8 ሰዎች ሲገደሉ በርካታ ቤቶች ተቃጥለዋል። በመቀጠልም ጥቅምት 25 ቀን በኪራሙ ወረዳ ጉዲና ጂሬኛ ቀበሌ በተፈጸመ ጥቃት ተጨማሪ 13 ሰዎች ህይወታቸውን አጥተዋል። በሁለቱም ጥቃቶች የተነሳ ነዋሪዎች ከቀዬአቸው እንዲፈናቀሉ ተገደዋል። ጥቃቱን የፈጸሙት ታጣቂዎች ከሁለት ወራት በፊት የአማራ ፋኖ ብሄራዊ ንቅናቄ (አፋብን) አካል መሆናቸውን ማስታወቃቸው ተመላክቷል።